ဆီဗီလာကို ယူရိုပါလိဂ်ဗိုလ်လုပွဲမှာ ရှုံးနိမ့်ပြီးနောက် အင်တာမီလန်အသင်းကနေ ထွက်ခွာဖွယ်ရှိတယ်လို့ ဝန်ခံသွားတဲ့ နည်းပြကွန်တီ

အင်တာမီလန်နည်းပြ ကွန်တီက သောကြာနေ့က ယူရိုပါလိဂ်ဗိုလ်လုပွဲမှာ ဆီဗီလာအသင်းကို (၃-၂) နဲ့ ရှုံးနိမ့်ခဲ့ပြီးနောက် အသင်းက ထွက်ခွာဖွယ်ရှိတယ်လို့ အရိပ်အမွက်ပြောသွားခဲ့ပါတယ်။ လူကာကူရဲ့ နောက်ကျ ကိုယ့်ဂိုးကိုယ် သွင်းခဲ့တာက အင်တာမီလန်အသင်းကို…

ဆီဗီလာနဲ့ ယူရိုပါလိဂ်ဖလား ရပြီးနောက် သေဆုံးသွားတဲ့ အသင်းဖော်ဟောင်း ပူအာတာနဲ့ ရီယက်စ်ကို သတိရကြောင်း ပြောခဲ့တဲ့ နာဗက်စ်

ဆီဗီလာအသင်းခေါင်းဆောင် နာဗက်စ်က ယူရိုပါလိဂ်ဖလားကို အသင်းအနေနဲ့ ၆ ကြိမ်မြောက်ရအပြီးမှာတော့ အသင်းနဲ့ အတူ ယူရိုပါလိဂ်ရခဲ့ပြီး သေဆုံးသွားပြီဖြစ်တဲ့ ကစားဖော်ဟောင်း ပူအာတာနဲ့ ရီယက်စ်တို့ကို သတိရကြောင်းပြောခဲ့ပါ တယ်။ ဆီဗီလာဟာ ယူရိုပါလိဂ်ဗိုလ်လုပွဲစဉ်မှာ အင်တာမီလန်ကို သုံးဂိုးနှစ်ဂိုးနဲ့ အနိုင်ရပြီး ခြောက်ကြိမ်မြောက် ယူရိုပါလိဂ် ချန်ပီယံဆုကို ရရှိခဲ့တာဖြစ်ပါတယ်။

ဆီဗီလာအသင်းအနေနဲ့ ချန်ပီယံဆုရယူအပြီး အောင်ပွဲခံရမှာတော့ ဒီကစားသမားနှစ်ယောက်ပုံပါတဲ့ အင်္ကျီတွေကို ဝတ် ဆင်ပြီး အောင်ပွဲခံခဲ့တာကို တွေ့ရပါတယ်။ Movistar ကနေတဆင့် နာဗက်စ်က “ အသင်းခေါင်းဆောင်တစ်ယောက်အနေ နဲ့ ယူရိုပါလိဂ်ဖလားကို ကိုင်မြောက်ရတာ တကယ်ကို ကျေနပ်ပါတယ်။ချန်ပီယံဆုဖလားကို ကိုင်မြှောက်ချိန်မှာ ကျွန်တော် အနေနဲ့ သေဆုံးသွားပြီဖြစ်တဲ့ ခေါင်းကိုင်ဖခင်၊ အသင်းဖော်ဟောင်းတွေဖြစ်တဲ့ ပူအာတာ၊ ရီယက်စ်တို့ကို သတိရမိပါတယ်” လို့ ပြောခဲ့ပါတယ်။

နှလုံးရောဂါကြောင့် ၂၀၀၇ ခုနှစ်က သေဆုံးသွားတဲ့ ပူအာတာဟာ ဆီဗီလာနဲ့ အတူ ယူရိုပါလိဂ် နှစ်ကြိမ်ရရှိခဲ့တဲ့ ကစားသ မားတစ်ယောက်ဖြစ်ပါတယ်။ ပြီးခဲ့တဲ့နှစ်က ကားအက်ဆီးဒင့်ကြောင့် သေဆုံးသွားခဲ့တဲ့ ရီယက်စ်ကတော့ ဆီဗီလာရဲ့ ယူရို ပါလိဂ် ၃ နှစ်ဆက်ချန်ပီယံအသင်းမှာ ပါဝင်ခဲ့တဲ့ ကစားသမားတစ်ယောက်ဖြစ်ပါတယ်။ နာဗက်က ယူရိုပါလိဂ် ၃ နှစ်ဆက် ချန်ပီယံဖြစ်ခဲ့တဲ့ ဆီဗီလာအသင်းမှာ မပါခဲ့ပေမယ့် အသင်းနဲ့အတူ ယူရိုပါလိဂ်ကို ၃ကြိမ်ရရှိထားသူလည်း ဖြစ်ပါတယ်။

BT Sport ကနေတဆင့် ဗိုလ်လုပွဲမှာ အကောင်းဆုံးကစားသမားဆုရခဲ့တဲ့ လုခ်ဒီဂျောင်က “မယုံကြည်နိုင်လောက်အောင် ဖြစ်ခဲ့ပါတယ်။ အသင်းအနေနဲ့ အသင်းကောင်းတစ်သင်းဖြစ်တယ်ဆိုတာကို အားလုံးအတူတူလုပ်ဆောင်နိုင်ခဲ့ပါတယ်။ အင်တာမီလန်ဘက်က ဦးဆောင်ဂိုးသွင်းခဲ့တာတောင် ကျွန်တော်တို့ အကောင်းဆုံးလုပ်နိုင်ခဲ့ပါတယ်။ ဗိုလ်လုပွဲမှာ ၂ ဂိုး သွင်းနိုင်ခဲ့တဲ့အတွက်တော့ တကယ်ကို အံသြခဲ့ရပါတယ်” လို့ ပြောခဲ့ပါတယ်။

ဆီဗီလာရဲ့ ၆ကြိမ်မြောက် ယူရိုပါလိဂ်အောင်ပွဲမှာဟီးရိုးဖြစ်ခဲ့ပေမယ့်အင်တာမီလန်အတွက်ဇီးရိုးဖြစ်သွားတဲ့ လူကာကူ

အင်တာမီလန်အသင်းတိုက်စစ်မှူး လူကာကူဟာ အသင်းအတွက် ခြေစွမ်းပြပြီး တစ်ရာသီလုံး ၃၄ ဂိုးသွင်းယူနိုင်ခဲ့သလို ဆီဗီလာနဲ့ ပွဲမှာလည်း အသင်းအတွက် ဦးဆောင်ဂိုးကို သွင်းယူခဲ့ပေမယ့် ဆီဗီလာရသွားတဲ့ အနိုင်ဂိုးက သူရဲ့ဖျက်ထုတ်မှု ကြောင့် ရသွားတာကြောင့် အင်တာမီလန်အတွက် ဟီးရိုးကနေ ဇီးရိုးဖြစ်သွားတယ်လို့ မီဒီယာတွေက ဖော်ပြခဲ့ကြပါတယ်။ လူကာကူဟာ နောက်ဆုံးကစားခဲ့တဲ့ ယူရိုပါလိဂ် ၁၁ ပွဲဆက် ဂိုးသွင်းနိုင်ခဲ့သူလည်း ဖြစ်ပါတယ်။
အင်တာမီလန်ဟာ ဆီဗီလာနဲ့ ကစားခဲ့တဲ့ယူရိုပါလိဂ် ဗိုလ်လုပွဲမှာ ပွဲအစ ၅မိနစ်မှာပဲ လူကာကူရဲ့ ပင်နယ်တီသွင်းဂိုးနဲ့ ဦး ဆောင်နိုင်ခဲ့ပေမယ့် ပွဲချိန် ၁၂ မိနစ်မှာ လုခ်ဒီဂျောင်က ချေပဂိုးပြန်လည်သွင်းယူခဲ့ပါတယ်။ ပွဲချိန် ၃၃ မိနစ်မှာလည်း လုခ် ဒီဂျောင်ကပဲ ဆီဗီလာအတွက် ဦးဆောင်ဂိုးသွင်းခဲ့ပေမယ့် ချက်ချင်းဆိုသလိုပဲ နောက်ခံလူဂိုဒင်က အင်တာမီလန်အတွက် ချေပဂိုးသွင်းယူခဲ့တာဖြစ်လို့ ပထမပိုင်းမှာ နှစ်ဂိုးစီသရေကျခဲ့ပါတယ်။
ဒုတိယပိုင်းမှာ နှစ်သင်းစလုံးဟာ အနိုင်ရဖိုအတွက် တိုက်စစ်ဆင်ကစားခဲ့ကြပြီး ဂိုးပေါက်ခြိမ်းခြောက်မှုတွေ ပြုလုပ်နိုင်ခဲ့ကြ ပါတယ်။ ဆီဗီလာအတွက် အနိုင်ဂိုးကိုတော့ ပွဲချိန် ၇၄ မိနစ်မှာ ဒီယေဂိုကားလို့စ်ရဲ့ နောက်ပြန်ကန်ချက်ကို လူကာကူဖျက် ထုတ်ရင်း ကိုယ့်ဂိုးကိုယ်သွင်းယူမိသွားတာကြောင့် ရရှိခဲ့တာပဲ ဖြစ်ပါတယ်။ ဆီဗီလာအနေနဲ့ ချန်ပီယံဖြစ်ခဲ့တာကြောင့် ဗိုလ် လုပွဲတက်တိုင်း အနိုင်ရတဲ့ မှတ်တမ်းကိုလည်း ရရှိခဲ့ပါတယ်။လူကာကူအနေနဲ့ ပွဲအပြီး ဆုတံဆိပ်ချီးမြင့်တဲ့အချိန်မှာတော့ သူရရှိတဲ့ ဒုတိယဆုတံဆိပ်ကို လက်ခံဖို့အတွက် ငြင်းပယ်ခဲ့ တယ်လို့ သိရပါတယ်။ လူကာကူဟာ အင်တာမီလန်အသင်းအတွက် ပထမဆုံးရာသီမှာ ပြိုင်ပွဲစုံသွင်းဂိုး ၃၄ ဂိုးသွင်းယူနိုင် တာကြောင့် လွန်ခဲ့တဲ့ ၂၂ နှစ်က အင်တာမီလန်တိုက်စစ်မှူးဟောင်း ရော်နယ်ဒိုရဲ့ သွင်းဂိုးစံချိန်ကို လိုက်မီခဲ့သလို ဒီနှစ် ယူရိုပါလိဂ်ရှုံးထွက်အဆင့်ကနေ ဗိုလ်လုပွဲအထိ ၆ ပွဲဆက် ဂိုးသွင်းယူနိုင်တာကြောင့် ၂၀၁၃ ခုနှစ်က စီရော်နယ်ဒိုရဲ့ ဥရောပပြိုင်ပွဲ ၆ပွဲဆက် ဂိုးသွင်းယူနိုင်တဲ့ မှတ်တမ်းကိုလည်း လိုက်မီသွားခဲ့ပါတယ်။

နောက်ရာသီမှာ ဖာလန်မန်ဒီကို ပဲ ဦးစားပေးကစားစေမှာဖြစ်လို့ ရက်ဂွီလွန်ကို ရောင်းချတော့မယ့် ရီးရဲလ်မက်ဒရစ်

ရီးရဲလ်မက်ဒရစ်အသင်းဟာ ဒီအပြောင်းအရွှေ့ရာသီမှာ ချဲလ်ဆီးအသင်းက ပစ်မှတ်ထားနေတဲ့ ရက်ဂွီလွန်ကို ပေါင် ၂၂.၄ သန်းတည်းနဲ့ အသင်းက ထွက်ခွာခွင့်ပေးရန် ပြင်ဆင်ထားပါတယ်။ ချဲလ်ဆီးအသင်းဟာ ဆီဗီလာအသင်းကို ယူရိုပါလိဂ်ဗိုလ်လုပွဲပို့ဆောင်ပေးထားတဲ့ ဘယ်နောက်ခံလူကို ခေါ်ယူရန်…

လူတွေက အနိုင်ရတဲ့ အသင်းကိုပဲ မှတ်မိကြတယ်လို့ ဆီဗီလာ နဲ့ ယူရိုပါလိဂ်ဗိုလ်လုပွဲမတိုင်မီ အင်တာမီလန်အသင်းသားတွေကို ပြောကြားလိုက်တဲ့ နည်းပြကွန်တီ

ကွန်တီက သမိုင်းဟာ အနိုင်ရတဲ့အသင်းကိုပဲ မှတ်မိကြတယ်လို့ ၁၀ နှစ်အကြာမှာ ပထမဆုံး ဥရောပဆုဖလားကို ရရှိမယ့် အခွင့်အရေးနဲ့ ပတ်သက်ပြီး အင်တာမီလန် အသင်းသားတွေကို ပြောပြသွားခဲ့ပါတယ်။ တနလာၤနေ့က ရှက်တာဒိုးနက်အသင်းကို…

ပြိုင်ဘက်က အသင်းကောင်းဖြစ်တာကြောင့် ပေါ့ဆလို့ မရဘူးလို့ ပြောလိုက်တဲ့ အင်တာမီလန်နည်းပြ ကွန်တီ

အင်တာမီလန်နည်းပြ ကွန်တီက ဒီနေ့ညမှာ ယူရိုပါလိဂ်ဗိုလ်လုပွဲအဖြစ် ယှဉ်ပြိုင်ကစားရမယ့် ဆီဗီလာက အသင်းကောင်း တစ်သင်းဖြစ်သလို ယူရိုပါလိဂ်မှာလည်း အအောင်မြင်ဆုံး အသင်းဖြစ်တာကြောင့် အသင်းသားတွေအနေနဲ့ ပေါ့ဆလို့ မရ ကြောင်း ပြောခဲ့ပါတယ်။ အင်တာမီလန်ဟာ ကွန်တီရဲ့ ဦးဆောင်မှုအောက်မှာ ရလဒ်တွေကောင်းခဲ့ပြီး စီးရီးအေမှာ ချန်ပီယံ မဖြစ်ခဲ့ပေမယ့် ဒုတိယနေရာရခဲ့ပြီး ယူရိုပါလိဂ်မှာလည်း ဗိုလ်လုပွဲကို ရောက်ရှိနေခဲ့တာ ဖြစ်ပါတယ်။


အင်တာမီလန်နည်းပြ ကွန်တီက “တစ်ရာသီလုံး အတိုင်းအတာနဲ့ဆိုရင် ရလဒ်ပိုင်းကောင်းတဲ့ ရာသီလို့ပဲ ဆိုရမှာဖြစ်ပါ တယ်။ ချန်ပီယံလိဂ်မှာ ရလဒ်မကောင်းခဲ့ဘူး ဆိုပေမယ့် ယူရိုပါလိဂ်မှာ ဗိုလ်လုပွဲအထိရောက်ခဲ့တာကြောင့် အောင်မြင် တယ်လို့ ဆိုရမှာပါ။” လို့ ပြောခဲ့ပါတယ်။ အင်တာမီလန်ဟာ ချန်ပီယံလိဂ်မှာ ဘာစီလိုနာ၊ဒေါ့မွန်တို့နဲ့ တစ်အုပ်စုတည်း ကျ ရောက်ခဲ့ပြီး အုပ်စုတတိယနေရာပဲ ရခဲ့တာကြောင့် ယူရိုပါလိဂ်ကို ဆင်းကစားခဲ့ရတာ ဖြစ်ပါတယ်။


အင်တာမီလန်ဟာ ကွန်တီရဲ့ ဦးဆောင်မှုအောက်မှာ ၂၀၁၁ ခုနှစ်နောက်ပိုင်း စီးရီးအေမှာ အကောင်းဆုံး ရာသီသိမ်းနိုင်ခဲ့ သလို ၂၀၁၂-၁၃ ဘောလုံးရာသီနောက်ပိုင်းမှာလည်း ဗိုလ်လုပွဲအဆင့်ပွဲစဉ်ကို ပထမဆုံးအကြိမ်ပြန်လည်ကစားရတာပဲ ဖြစ်ပါတယ်။ အင်တာမီလန်အနေနဲ့ ဒီနှစ်မှာ ယူရိုပါလိဂ်ဖလားကို ရယူနိုင်ခဲ့မယ်ဆိုရင် ယူရိုပါလိဂ်သမိုင်းမှာ ဆီဗီလာ နောက် ဒုတိယအအောင်မြင်ဆုံးအသင်းဖြစ်လာမှာ ဖြစ်ပါတယ်။


အင်တာမီလန်ဟာ ယူရိုပါလိဂ်လို့ အမည်မပြောင်းခင် ယူအီးအက်ဖ်အေအမည်နဲ့ ကျင်းပတုန်းက ယူရိုပါလိဂ်ဖလားကို ၃ ကြိမ်ရဖူးထားပြီး ဒုတိယတစ်ကြိမ်ရထားတာကြောင့် ဂျူဗင်တပ်၊ လီဗာပူးတို့နဲ့ အတူ ဒုတိယအအောင်မြင်ဆုံးအသင်းတွေ အဖြစ် မှတ်တမ်းဝင်နေတာဖြစ်ပါတယ်။ အင်တာမီလန်နည်းပြ ကွန်တီအနေနဲ့ ယူရိုပါလိဂ်ဗိုလ်လုပွဲမှာ ကစားရမယ့် ဆီဗီလာအသင်းနဲ့ နည်းပြကိုလည်း ချီးကျူးမှုတွေ ပြုလုပ်သွားခဲ့တယ်လို့ သိရပါတယ်။

zawgyi version

ၿပိဳင္ဘက္က အသင္းေကာင္းျဖစ္တာေၾကာင့္ ေပါ့ဆလို႔ မရဘူးလို႔ ေျပာလိုက္တဲ့ အင္တာမီလန္နည္းျပ ကြန္တီ
အင္တာမီလန္နည္းျပ ကြန္တီက ဒီေန႔ညမွာ ယူ႐ိုပါလိဂ္ဗိုလ္လုပြဲအျဖစ္ ယွဥ္ၿပိဳင္ကစားရမယ့္ ဆီဗီလာက အသင္းေကာင္း တစ္သင္းျဖစ္သလို ယူ႐ိုပါလိဂ္မွာလည္း အေအာင္ျမင္ဆံုး အသင္းျဖစ္တာေၾကာင့္ အသင္းသားေတြအေနနဲ႔ ေပါ့ဆလို႔ မရ ေၾကာင္း ေျပာခဲ့ပါတယ္။ အင္တာမီလန္ဟာ ကြန္တီရဲ႕ ဦးေဆာင္မႈေအာက္မွာ ရလဒ္ေတြေကာင္းခဲ့ၿပီး စီးရီးေအမွာ ခ်န္ပီယံ မျဖစ္ခဲ့ေပမယ့္ ဒုတိယေနရာရခဲ့ၿပီး ယူ႐ိုပါလိဂ္မွာလည္း ဗိုလ္လုပြဲကို ေရာက္ရွိေနခဲ့တာ ျဖစ္ပါတယ္။
အင္တာမီလန္နည္းျပ ကြန္တီက “တစ္ရာသီလံုး အတိုင္းအတာနဲ႔ဆိုရင္ ရလဒ္ပိုင္းေကာင္းတဲ့ ရာသီလို႔ပဲ ဆိုရမွာျဖစ္ပါ တယ္။ ခ်န္ပီယံလိဂ္မွာ ရလဒ္မေကာင္းခဲ့ဘူး ဆိုေပမယ့္ ယူ႐ိုပါလိဂ္မွာ ဗိုလ္လုပြဲအထိေရာက္ခဲ့တာေၾကာင့္ ေအာင္ျမင္ တယ္လို႔ ဆိုရမွာပါ။” လို႔ ေျပာခဲ့ပါတယ္။ အင္တာမီလန္ဟာ ခ်န္ပီယံလိဂ္မွာ ဘာစီလိုနာ၊ေဒါ့မြန္တို႔နဲ႔ တစ္အုပ္စုတည္း က် ေရာက္ခဲ့ၿပီး အုပ္စုတတိယေနရာပဲ ရခဲ့တာေၾကာင့္ ယူ႐ိုပါလိဂ္ကို ဆင္းကစားခဲ့ရတာ ျဖစ္ပါတယ္။
အင္တာမီလန္ဟာ ကြန္တီရဲ႕ ဦးေဆာင္မႈေအာက္မွာ ၂၀၁၁ ခုႏွစ္ေနာက္ပိုင္း စီးရီးေအမွာ အေကာင္းဆံုး ရာသီသိမ္းႏိုင္ခဲ့ သလို ၂၀၁၂-၁၃ ေဘာလံုးရာသီေနာက္ပိုင္းမွာလည္း ဗိုလ္လုပြဲအဆင့္ပြဲစဥ္ကို ပထမဆံုးအႀကိမ္ျပန္လည္ကစားရတာပဲ ျဖစ္ပါတယ္။ အင္တာမီလန္အေနနဲ႔ ဒီႏွစ္မွာ ယူ႐ိုပါလိဂ္ဖလားကို ရယူႏိုင္ခဲ့မယ္ဆိုရင္ ယူ႐ိုပါလိဂ္သမိုင္းမွာ ဆီဗီလာ ေနာက္ ဒုတိယအေအာင္ျမင္ဆံုးအသင္းျဖစ္လာမွာ ျဖစ္ပါတယ္။
အင္တာမီလန္ဟာ ယူ႐ိုပါလိဂ္လို႔ အမည္မေျပာင္းခင္ ယူအီးအက္ဖ္ေအအမည္နဲ႔ က်င္းပတုန္းက ယူ႐ိုပါလိဂ္ဖလားကို ၃ ႀကိမ္ရဖူးထားၿပီး ဒုတိယတစ္ႀကိမ္ရထားတာေၾကာင့္ ဂ်ဴဗင္တပ္၊ လီဗာပူးတို႔နဲ႔ အတူ ဒုတိယအေအာင္ျမင္ဆံုးအသင္းေတြ အျဖစ္ မွတ္တမ္းဝင္ေနတာျဖစ္ပါတယ္။ အင္တာမီလန္နည္းျပ ကြန္တီအေနနဲ႔ ယူ႐ိုပါလိဂ္ဗိုလ္လုပြဲမွာ ကစားရမယ့္ ဆီဗီလာအသင္းနဲ႔ နည္းျပကိုလည္း ခ်ီးက်ဴးမႈေတြ ျပဳလုပ္သြားခဲ့တယ္လို႔ သိရပါတယ္။

အင်တာမီလန်အနေနဲ့ ဆုဖလားအောင်မြင်မှုတွေရယူနိုင်ဖို့ အတွက် အဆင်သင့်ဖြစ်နေပြီလို့ မာတီနက်ဇ် ကြုံးဝါး

အင်တာမီလန်အသင်းတိုက်စစ်မှူး မာတီနက်ဇ်က ရှက်တာဒိုးနက်စ်ကို ငါးဂိုးပြတ်နဲ့ အနိုင်ရပြီး ယူရိုပါလိဂ်ဗိုလ်လုပွဲကို တက်ရောက်နိုင်ခဲ့တာကြောင့် အသင်းအနေနဲ့ ဆုဖလားအောင်မြင်မှုတွေရယူဖို့ အဆင်သင့်ရှိနေပြီလို့ ပြောခဲ့ပါတယ်။ အင် တာမီလန်ဟာ နည်းပြဟောင်း မော်ရင်ဟိုကိုင်တွယ်ခဲ့တဲ့ ၂၀၁၀ ခုနှစ်မှာ ဖလား၃လုံးရပြီးနောက်ပိုင်း ပထမဆုံးအကြိမ် ဥရောပပြိုင်ပွဲတွေမှာ ဗိုလ်လုပွဲကို ပြန်ကစားခွင့်ရခဲ့တာပဲ ဖြစ်ပါတယ်။

ဘာစီလိုနာအသင်းရဲ့ ခေါ်ယူဖို့ စိတ်ဝင်စားခြင်းခံနေရတဲ့ မာတီနက်ဇ်က “ အင်တာကစားသမားဖြစ်ကတည်းက ဗိုလ်လုပွဲ ကစားဖို့ အတွက် အချိန်အကြာကြီး စောင့်ခဲ့ရပါတယ်။ ရှက်တာဒိုးနက်ကို အနိုင်ရတဲ့ပွဲက ကျွန်တော်အတွက် မယုံနိုင်စရာ ကောင်းတဲ့ ညတွေထဲကတစ်ညပါပဲ။ အသင်းဟာ တစ်ပွဲထက်တစ်ပွဲ ပိုကောင်းအောင်ကစားလာနိုင်ပါတယ်။ ပထမသွင်းဂိုး ကတော့ ကျွန်တော်ကလေးအတွက် ရည်ရွယ်ပါတယ်” လို့ ပြောခဲ့ပါတယ်။

စီးရီးအေပြိုင်ပွဲမှာ ဒုတိယနေရာရခဲ့တဲ့ အင်တာမီလန်ဟာ ယူရိုပါလိဂ်ဗိုလ်လုပွဲမှာတော့ ချန်ပီယံအများဆုံးဖြစ်ထားတဲ့ ဆီဗီ လာနဲ့ ယှဉ်ပြိုင်ကစားရမှာပဲ ဖြစ်ပါတယ်။ ဆီဗီလာဟာ ဗိုလ်လုပွဲကို ၆ ကြိမ်မြောက်တက်ရောက်နိုင်ခဲ့တာဖြစ်ပြီး ဗိုလ်လုပွဲ တက်ခဲ့တဲ့အကြိမ်တိုင်း ချန်ပီယံဆုကို ရရှိတဲ့အသင်းလည်းဖြစ်ပါတယ်။ အင်တာမီလန်ကတော့ ယူရိုပါလိဂ်ဗိုလ်လုပွဲကို ၅ ကြိမ်မြောက်တက်ရောက်နိုင်တာဖြစ်ပြီး အရင်အကြိမ်တွေမှာ ၃ ကြိမ်ချန်ပီယံဖြစ်ခဲ့ပေမယ့် ၁၉၉၇ ခုနှစ်မှာတော့ ဒုတိယနဲ့ပဲ ကျေနပ်ခဲ့ရတာ ဖြစ်ပါတယ်။

ရှက်တာဒိုးနက်စ်ကို ငါးဂိုးပြတ်နဲ့ အနိုင်ရအပြီးမှာတော့ အင်တာမီလန်အသင်းနည်းပြ ကွန်တီက အသင်းသားတွေရဲ့စွမ်း ဆောင်ရည်ကို အားရကြောင်းနဲ့ ဗိုလ်လုပွဲမှာ ကစားရမယ့် ဆီဗီလာက အသင်းကောင်းတစ်သင်းဖြစ်တာကြောင့် ပေါ့ဆလို့ မရကြောင်း ပြောခဲ့ပါတယ်။ ဒီအဆင့်ထိရောက်ခဲ့တာကြောင့် အသင်းနဲ့ သက်ဆိုင်သူအားလုံးပျော်ရွှင်နေကြပါမယ်။ဒါပေမဲ့ အခုမှ ပြိုင်ပွဲရဲ့အရေးအကြီးဆုံးနေရာကို ရောက်နေတာပါလို့လည်း ကွန်တီက ပြောခဲ့ပါတယ်။

zawgyi version

အင္တာမီလန္အေနနဲ႔ ဆုဖလားေအာင္ျမင္မႈေတြရယူႏိုင္ဖို႔ အတြက္ အဆင္သင့္ျဖစ္ေနၿပီလို႔ မာတီနက္ဇ္ ၾကံဳးဝါး
အင္တာမီလန္အသင္းတိုက္စစ္မွဴး မာတီနက္ဇ္က ရွက္တာဒိုးနက္စ္ကို ငါးဂိုးျပတ္နဲ႔ အႏိုင္ရၿပီး ယူ႐ိုပါလိဂ္ဗိုလ္လုပြဲကို တက္ေရာက္ႏိုင္ခဲ့တာေၾကာင့္ အသင္းအေနနဲ႔ ဆုဖလားေအာင္ျမင္မႈေတြရယူဖို႔ အဆင္သင့္ရွိေနၿပီလို႔ ေျပာခဲ့ပါတယ္။ အင္ တာမီလန္ဟာ နည္းျပေဟာင္း ေမာ္ရင္ဟိုကိုင္တြယ္ခဲ့တဲ့ ၂၀၁၀ ခုႏွစ္မွာ ဖလား၃လံုးရၿပီးေနာက္ပိုင္း ပထမဆံုးအႀကိမ္ ဥေရာပၿပိဳင္ပြဲေတြမွာ ဗိုလ္လုပြဲကို ျပန္ကစားခြင့္ရခဲ့တာပဲ ျဖစ္ပါတယ္။
ဘာစီလိုနာအသင္းရဲ႕ ေခၚယူဖို႔ စိတ္ဝင္စားျခင္းခံေနရတဲ့ မာတီနက္ဇ္က “ အင္တာကစားသမားျဖစ္ကတည္းက ဗိုလ္လုပြဲ ကစားဖို႔ အတြက္ အခ်ိန္အၾကာႀကီး ေစာင့္ခဲ့ရပါတယ္။ ရွက္တာဒိုးနက္ကို အႏိုင္ရတဲ့ပြဲက ကြ်န္ေတာ္အတြက္ မယံုႏိုင္စရာ ေကာင္းတဲ့ ညေတြထဲကတစ္ညပါပဲ။ အသင္းဟာ တစ္ပြဲထက္တစ္ပြဲ ပိုေကာင္းေအာင္ကစားလာႏိုင္ပါတယ္။ ပထမသြင္းဂိုး ကေတာ့ ကြ်န္ေတာ္ကေလးအတြက္ ရည္ရြယ္ပါတယ္” လို႔ ေျပာခဲ့ပါတယ္။
စီးရီးေအၿပိဳင္ပြဲမွာ ဒုတိယေနရာရခဲ့တဲ့ အင္တာမီလန္ဟာ ယူ႐ိုပါလိဂ္ဗိုလ္လုပြဲမွာေတာ့ ခ်န္ပီယံအမ်ားဆံုးျဖစ္ထားတဲ့ ဆီဗီ လာနဲ႔ ယွဥ္ၿပိဳင္ကစားရမွာပဲ ျဖစ္ပါတယ္။ ဆီဗီလာဟာ ဗိုလ္လုပြဲကို ၆ ႀကိမ္ေျမာက္တက္ေရာက္ႏိုင္ခဲ့တာျဖစ္ၿပီး ဗိုလ္လုပြဲ တက္ခဲ့တဲ့အႀကိမ္တိုင္း ခ်န္ပီယံဆုကို ရရွိတဲ့အသင္းလည္းျဖစ္ပါတယ္။ အင္တာမီလန္ကေတာ့ ယူ႐ိုပါလိဂ္ဗိုလ္လုပြဲကို ၅ ႀကိမ္ေျမာက္တက္ေရာက္ႏိုင္တာျဖစ္ၿပီး အရင္အႀကိမ္ေတြမွာ ၃ ႀကိမ္ခ်န္ပီယံျဖစ္ခဲ့ေပမယ့္ ၁၉၉၇ ခုႏွစ္မွာေတာ့ ဒုတိယနဲ႔ပဲ ေက်နပ္ခဲ့ရတာ ျဖစ္ပါတယ္။
ရွက္တာဒိုးနက္စ္ကို ငါးဂိုးျပတ္နဲ႔ အႏိုင္ရအၿပီးမွာေတာ့ အင္တာမီလန္အသင္းနည္းျပ ကြန္တီက အသင္းသားေတြရဲ႕စြမ္း ေဆာင္ရည္ကို အားရေၾကာင္းနဲ႔ ဗိုလ္လုပြဲမွာ ကစားရမယ့္ ဆီဗီလာက အသင္းေကာင္းတစ္သင္းျဖစ္တာေၾကာင့္ ေပါ့ဆလို႔ မရေၾကာင္း ေျပာခဲ့ပါတယ္။ ဒီအဆင့္ထိေရာက္ခဲ့တာေၾကာင့္ အသင္းနဲ႔ သက္ဆိုင္သူအားလံုးေပ်ာ္ရႊင္ေနၾကပါမယ္။ဒါေပမဲ့ အခုမွ ၿပိဳင္ပြဲရဲ႕အေရးအႀကီးဆံုးေနရာကို ေရာက္ေနတာပါလို႔လည္း ကြန္တီက ေျပာခဲ့ပါတယ္။

တိုးတက်ဖို့ လိုအပ်နေသေးပြီး အသင်းမှာ အရည်အချင်းရှိတဲ့ကစားသမားတွေ လိုအပ်နေဆဲလို့ ဝန်ခံခဲ့တဲ့ ဆိုးလ်ရှား

ယူနိုက်တက်အသင်းနည်းပြ ဆိုးလ်ရှားက ဆီဗီလာကို အရေးနိမ့်ခဲ့တဲ့ပွဲအပြီးမှာတော့ အသင်းအနေနဲ့ စွမ်းဆောင်ရည်တိုး တက်ဖို့ လိုအပ်နေသေးသလို အရည်အချင်းရှိတဲ့ကစားသမားတွေလည်း လိုအပ်နေဆဲဖြစ်တယ်လို့ ပြောခဲ့ပါတယ်။ ယူနိုက် တက်ဟာ ယူရိုပါလိဂ်ဗိုလ်စွဲဖို့ ရေပန်းအစားဆုံးအသင်းဖြစ်ခဲ့ပေမယ့် ဆီမီးဖိုင်နယ်မှာ ဆီဗီလာကို ရှုံးပြီး ပြိုင်ပွဲက ထွက်ခဲ့ရ တာဖြစ်ပါတယ်။

ဆီဗီလာကို ရှုံးပြီး ယူရိုပါလိဂ်ကနေ ထွက်ခဲ့ရတာဟာ ဒီရာသီမှာ ယူနိုက်တက်အနေနဲ့ ဖလားပြိုင်ပွဲတွေမှ ဆီမီးဖိုင်နယ် အဆင့်ကနေ ထွက်ခဲ့ရတဲ့ တတိယမြောက် ပြိုင်ပွဲဖြစ်လာခဲ့ပါတယ်။ယူနိုက်တက်ဟာ လိဂ်ဖလားမှာ မန်စီးတီးနဲ့ အက်ဖ် အေဖလားမှာ ချဲလ်ဆီးတို့ကို ဆီမီးဖိုင်နယ်အဆင့်တွေမှာ ရှုံးပြီး ပြိုင်ပွဲကထွက်ခဲ့ရတာဖြစ်ပါတယ်။ဒါအပြင် ဆီဗီလာကို ရှုံး တဲ့ပွဲက ယူနိုက်တက်အတွက် နောက်ဆုံး ၃ရာသီဆက်တိုက် ဖလားလက်မဲ့ရာသီကိုလည်း ဖြစ်စေခဲ့ပါတယ်။

ပွဲအပြီးမှာတော့ ယူနိုက်တက်နည်းပြ ဆိုးလ်ရှားက “ ပြီးခဲ့တဲ့ ဖေဖော်ဝါရီလကတည်းက အကောင်းဆုံးခြေစွမ်းပြနိုင်ခဲ့ပေ မယ့် မောပန်းနေတဲ့အနေအထားတွေကြောင့် အနားယူဖို့ လိုအပ်နေပါပြီ။ အသင်းအနေနဲ့ အမှတ်ပေးပြိုင်ပွဲ၊ ဖလားပွဲတွေမှာ အနိုင်ရဖို့ ဆိုရင် အခုထက်ပိုပြီး တိုးတက်ဖို့ လိုအပ်ပါတယ်။ဒါအပြင် အသင်းအနေနဲ့ အရည်အချင်းရှိတဲ့ကစားသမားတွေကို လိုအပ်နေဆဲ ဖြစ်တယ်ဆိုတာကိုလည်း တွေ့ခဲ့ရပါတယ်” လို့ ပြောခဲ့ပါတယ်။

ယူနိုက်တက်အနေနဲ့ ဒီနွေရာသီအပြောင်းအရွှေ့မှာ ဒေါ့မွန်တောင်ပံကစားသမား ဆန်ချိုကိုခေါ်ယူဖို့ ကာလရှည်စောင့် ကြည့်နေခဲ့ပေမယ့် ပြောင်းရွှေ့ကြေးညိ့နှိုင်းမှု အဆင်မပြေတာကြောင့် အခုချိန်ထိ အောင်မြင်မှုမရသေးဘူးလို့ သိရပါ တယ်။ The Sun ရဲ့နောက်ဆုံးဖော်ပြချက်တွေမှာတော့ ယူနိုက်တက်အနေနဲ့ အသင်းပြောင်းဖို့ သတင်းတွေထွက်နေတဲ့ ဘာစီလိုနာတိုက်စစ်မှူး မက်ဆီကိုလည်း ခေါ်ယူဖို့ စိတ်ဝင်စားနေတယ်လို့ သိရပါတယ်။

zawgyi version

တိုးတက္ဖို႔ လိုအပ္ေနေသးၿပီး အသင္းမွာ အရည္အခ်င္းရွိတဲ့ကစားသမားေတြ လိုအပ္ေနဆဲလို႔ ဝန္ခံခဲ့တဲ့ ဆိုးလ္ရွား
ယူႏိုက္တက္အသင္းနည္းျပ ဆိုးလ္ရွားက ဆီဗီလာကို အေရးနိမ့္ခဲ့တဲ့ပြဲအၿပီးမွာေတာ့ အသင္းအေနနဲ႔ စြမ္းေဆာင္ရည္တိုး တက္ဖို႔ လိုအပ္ေနေသးသလို အရည္အခ်င္းရွိတဲ့ကစားသမားေတြလည္း လိုအပ္ေနဆဲျဖစ္တယ္လို႔ ေျပာခဲ့ပါတယ္။ ယူႏိုက္ တက္ဟာ ယူ႐ိုပါလိဂ္ဗိုလ္စြဲဖို႔ ေရပန္းအစားဆံုးအသင္းျဖစ္ခဲ့ေပမယ့္ ဆီမီးဖိုင္နယ္မွာ ဆီဗီလာကို ရႈံးၿပီး ၿပိဳင္ပြဲက ထြက္ခဲ့ရ တာ ျဖစ္ပါတယ္။
ဆီဗီလာကို ရႈံးၿပီး ယူ႐ိုပါလိဂ္ကေန ထြက္ခဲ့ရတာဟာ ဒီရာသီမွာ ယူႏိုက္တက္အေနနဲ႔ ဖလားၿပိဳင္ပြဲေတြမွ ဆီမီးဖိုင္နယ္ အဆင့္ကေန ထြက္ခဲ့ရတဲ့ တတိယေျမာက္ ၿပိဳင္ပြဲျဖစ္လာခဲ့ပါတယ္။ယူႏိုက္တက္ဟာ လိဂ္ဖလားမွာ မန္စီးတီးနဲ႔ အက္ဖ္ ေအဖလားမွာ ခ်ဲလ္ဆီးတို႔ကို ဆီမီးဖိုင္နယ္အဆင့္ေတြမွာ ရႈံးၿပီး ၿပိဳင္ပြဲကထြက္ခဲ့ရတာျဖစ္ပါတယ္။ဒါအျပင္ ဆီဗီလာကိုု ရႈံး တဲ့ပြဲက ယူႏိုက္တက္အတြက္ ေနာက္ဆံုး ၃ရာသီဆက္တိုက္ ဖလားလက္မဲ့ရာသီကိုလည္း ျဖစ္ေစခဲ့ပါတယ္။
ပြဲအၿပီးမွာေတာ့ ယူႏိုက္တက္နည္းျပ ဆိုးလ္ရွားက “ ၿပီးခဲ့တဲ့ ေဖေဖာ္ဝါရီလကတည္းက အေကာင္းဆံုးေျခစြမ္းျပႏိုင္ခဲ့ေပ မယ့္ ေမာပန္းေနတဲ့အေနအထားေတြေၾကာင့္ အနားယူဖို႔ လိုအပ္ေနပါၿပီ။ အသင္းအေနနဲ႔ အမွတ္ေပးၿပိဳင္ပြဲ၊ ဖလားပြဲေတြမွာ အႏိုင္ရဖို႔ ဆိုရင္ အခုထက္ပိုၿပီး တိုးတက္ဖို႔ လိုအပ္ပါတယ္။ဒါအျပင္ အသင္းအေနနဲ႔ အရည္အခ်င္းရွိတဲ့ကစားသမားေတြကို လိုအပ္ေနဆဲ ျဖစ္တယ္ဆိုတာကိုလည္း ေတြ႕ခဲ့ရပါတယ္” လို႔ ေျပာခဲ့ပါတယ္။
ယူႏိုက္တက္အေနနဲ႔ ဒီေႏြရာသီအေျပာင္းအေရႊ႕မွာ ေဒါ့မြန္ေတာင္ပံကစားသမား ဆန္ခ်ိဳကိုေခၚယူဖို႔ ကာလရွည္ေစာင့္ ၾကည့္ေနခဲ့ေပမယ့္ ေျပာင္းေရႊ႕ေၾကးညိ႕ႏႈိင္းမႈ အဆင္မေျပတာေၾကာင့္ အခုခ်ိန္ထိ ေအာင္ျမင္မႈမရေသးဘူးလို႔ သိရပါ တယ္။ The Sun ရဲ႕ေနာက္ဆံုးေဖာ္ျပခ်က္ေတြမွာေတာ့ ယူႏိုက္တက္အေနနဲ႔ အသင္းေျပာင္းဖို႔ သတင္းေတြထြက္ေနတဲ့ ဘာစီလိုနာတိုက္စစ္မွဴး မက္ဆီကိုလည္း ေခၚယူဖို႔ စိတ္ဝင္စားေနတယ္လို႔ သိရပါတယ္။

အင်တာမီလန်က အီတလီကလပ်တွေရဲ့ ကယ်တင်ရှင်အသင်း မဟုတ်ဘူးလို့ ပြောလိုက်တဲ့ နည်းပြ ကွန်တီ

အင်တာမီလန်နည်းပြ ကွန်တီက ချန်ပီယံလိဂ်နဲ့ ယူရိုပါလိဂ်ပြိုင်ပွဲများတွင် အီတလီကိုယ်စားပြုကလပ်အသင်းအနေနဲ့ အင် တာမီလန် တစ်သင်းတည်းသာ ကျန်ရှိတော့မယ့်ပေမယ့် မိမိတို့အသင်းမှာ အီတလီကလပ်တွေရဲ့ ကယ်တင်ရှင်အသင်း မဟုတ်ကြောင်းပြောခဲ့ပါတယ်။ ဒီနေ့ညမှာ အင်တာမီလန်ဟာ ယူကရိန်းကလပ် ရှက်တာဒိုးနက်နဲ့ ယူရိုပါလိဂ်ဆီမီးဖိုင်နယ် အဖြစ် ကစားရမှာပဲ ဖြစ်ပါတယ်။

အီတလီမီဒီယာတွေက အင်တာမီလန်အနေနဲ့ ဒီရာသီဥရောပပြိုင်ပွဲတွေမှာ ချန်ပီယံဆု ရရှိဖို့ တစ်သင်းတည်းကျန်တော့ တဲ့အသင်းလို့ ဖော်ပြခဲ့ကြပေမယ့် ကွန်တီက အင်တာမီလန်အနေနဲ့ အီတလီကလပ်အသင်းဆိုပေမယ့် အီတလီနိုင်ငံအ တွက် ကိုယ်စားပြုပြီးကစားနေတာ မဟုတ်ကြောင်းပြောခဲ့ပါတယ်။ အီတလီကလပ်တွေဖြစ်တဲ့ ဂျူဗင်တပ်၊ အတ္တလန္တာ၊ နာပိုလီနဲ့ ရိုးမားအသင်းတွေမှာ ပြီးခဲ့တဲ့အဆင့်တွေမှာ ပြိုင်ဘက်အသင်းတွေကို အရေးနိမ့်ပြီး ပြိုင်ပွဲကထွက်ခဲ့ရပါတယ်။

ဆက်လက်ပြီး ကွန်တီက ဆန်းချက်ဇ်အနေနဲ့ တံကောက်ကြောဒဏ်ရာကြောင့် ရှက်တာဒိုးနက်နဲ့ ကစားမယ့်ပွဲမှာ ပါဝင်ဖို့ မသေချာဘူးလို့ ပြောခဲ့ပါတယ်။ ဆန်းချက်ဇ် ပါဝင်ဖို့ မသေချာဘူးဆိုပေမယ့် အင်တာမီလန်အတွက် နောက်ဆုံး ၉ပွဲဆက် ဂိုးသွင်းယူထားတဲ့ လူကာကူကြောင့် အသင်းတိုက်စစ်ကို စိတ်ပူစရာမရှိကြောင်းလည်း ကွန်တီကပြောခဲ့ပါတယ်။ ကွန်တီက ရှက်တာဒိုးနက်က အသင်းကောင်းတစ်သင်းဖြစ်တာကြောင့် အင်တာမီလန်က လေးစားမှုအပြည့်နဲ ယှဉ်ပြိုင်သွားမယ်လို့ ပြောခဲ့ပါတယ်။

zawgyi version

အင္တာမီလန္က အီတလီကလပ္ေတြရဲ႕ ကယ္တင္ရွင္အသင္း မဟုတ္ဘူးလို႔ ေျပာလိုက္တဲ့ နည္းျပ ကြန္တီ
အင္တာမီလန္နည္းျပ ကြန္တီက ခ်န္ပီယံလိဂ္နဲ႔ ယူ႐ိုပါလိဂ္ၿပိဳင္ပြဲမ်ားတြင္ အီတလီကိုယ္စားျပဳကလပ္အသင္းအေနနဲ႔ အင္ တာမီလန္ တစ္သင္းတည္းသာ က်န္ရွိေတာ့မယ့္ေပမယ့္ မိမိတို႔အသင္းမွာ အီတလီကလပ္ေတြရဲ႕ ကယ္တင္ရွင္အသင္း မဟုတ္ေၾကာင္းေျပာခဲ့ပါတယ္။ ဒီေန႔ညမွာ အင္တာမီလန္ဟာ ယူကရိန္းကလပ္ ရွက္တာဒိုးနက္နဲ႔ ယူ႐ိုပါလိဂ္ဆီမီးဖိုင္နယ္ အျဖစ္ ကစားရမွာပဲ ျဖစ္ပါတယ္။
အီတလီမီဒီယာေတြက အင္တာမီလန္အေနနဲ႔ ဒီရာသီဥေရာပၿပိဳင္ပြဲေတြမွာ ခ်န္ပီယံဆု ရရွိဖို႔ တစ္သင္းတည္းက်န္ေတာ့ တဲ့အသင္းလို႔ ေဖာ္ျပခဲ့ၾကေပမယ့္ ကြန္တီက အင္တာမီလန္အေနနဲ႔ အီတလီကလပ္အသင္းဆိုေပမယ့္ အီတလီႏိုင္ငံအ တြက္ ကိုယ္စားျပဳၿပီးကစားေနတာ မဟုတ္ေၾကာင္းေျပာခဲ့ပါတယ္။ အီတလီကလပ္ေတြျဖစ္တဲ့ ဂ်ဴဗင္တပ္၊ အတၱလႏၲာ၊ နာပိုလီနဲ႔ ႐ိုးမားအသင္းေတြမွာ ၿပီးခဲ့တဲ့အဆင့္ေတြမွာ ၿပိဳင္ဘက္အသင္းေတြကို အေရးနိမ့္ၿပီး ၿပိဳင္ပြဲကထြက္ခဲ့ရပါတယ္။
အီတလီနဲ႔ ဂ်ဴဗင္တပ္နည္းျပေဟာင္းျဖစ္တဲ့ ကြန္တီက “ အင္တာမီလန္ကို အီတလီေတြရဲ႕ကယ္တင္ရွင္အသင္းလို႔ မျမင္ ပါဘူး။ အျခားအသင္းေတြရဲ႕ ရလဒ္ကိုမၾကည့္ဘဲ အင္တာအေနနဲ႔ ကိုယ္လုပ္ရမယ့္အလုပ္ကို အေကာင္းဆံုးလုပ္ခဲ့တာပါ။ တကယ္လို႔ အင္တာအေနနဲ႔ ယူ႐ိုပါလိဂ္မွာ ခ်န္ပီယံဆုရခဲ့မယ္ဆိုရင္ေတာင္ ကြ်န္ေတာ္တစ္ေယာက္တည္းရဲ႕ ေအာင္ျမင္မႈ ထက္ အသင္းအတြက္ ပိုၿပီး ေပ်ာ္မိမွာပါ” လို႔ ေျပာခဲ့ပါတယ္။
ဆက္လက္ၿပီး ကြန္တီက ဆန္းခ်က္ဇ္အေနနဲ႔ တံေကာက္ေၾကာဒဏ္ရာေၾကာင့္ ရွက္တာဒိုးနက္နဲ႔ ကစားမယ့္ပြဲမွာ ပါဝင္ဖို႔ မေသခ်ာဘူးလို႔ ေျပာခဲ့ပါတယ္။ ဆန္းခ်က္ဇ္ ပါဝင္ဖို႔ မေသခ်ာဘူးဆိုေပမယ့္ အင္တာမီလန္အတြက္ ေနာက္ဆံုး ၉ပြဲဆက္ ဂိုးသြင္းယူထားတဲ့ လူကာကူေၾကာင့္ အသင္းတိုက္စစ္ကို စိတ္ပူစရာမရွိေၾကာင္းလည္း ကြန္တီကေျပာခဲ့ပါတယ္။ ကြန္တီက ရွက္တာဒိုးနက္က အသင္းေကာင္းတစ္သင္းျဖစ္တာေၾကာင့္ အင္တာမီလန္က ေလးစားမႈအျပည့္နဲ ယွဥ္ၿပိဳင္သြားမယ္လို႔ ေျပာခဲ့ပါတယ္။

ယူနိုက်တက် ထွက်ခဲ့ရတာကြောင့် ဒီနှစ် ဥရောပပြိုင်ပွဲတွေမှာ အင်္ဂလန်ကလပ်အသင်းတွေ ဆုဖလားရရန် မရှိတော့

အင်္ဂလန်ကိုယ်စားပြုကလပ်တွေအနေနဲ့ ဥရောပပြိုင်ပွဲတွေဖြစ်တဲ့ ချန်ပီယံလိဂ်၊ ယူရိုပါလိဂ်ပြိုင်ပွဲတွေကို ယှဉ်ပြိုင်ကစား ကြရာမှာ ပြီးခဲ့တဲ့နေ့က ကစားခဲ့တဲ့ပွဲမတိုင်ခင်မှာ ယူနိုက်တက် တစ်သင်းတည်းပဲ ကျန်ရှိတော့တာဖြစ်ပါတယ်။ ဆီဗီလာနဲ့ ကစားတဲ့ ယူရိုပါလိဂ်ဆီမီးဖိုင်နယ်ပွဲစဉ်မှ ယူနိုက်တက်ဟာ ဦးဆောင်ဂိုးရခဲ့ပေမယ့် ချေပဂိုးနဲ့ အနိုင်ဂိုးသွင်းယူတာတွေကို ခွင့်ပြုပေးခဲ့ရာတာကြောင့် ပြိုင်ပွဲကထွက်ခဲ့ရပြီးနောက်မှာတော့ အင်္ဂလန်ကိုယ်စားပြု အသင်းတွေအနေနဲ့ ဒီနှစ်အတွက် ဥရောပလိဂ်ပြိုင်ပွဲတွေမှာ ဆုဖလားရယူနိုင်မှာ မဟုတ်တော့ဘူးလို့ သိရပါတယ်။

ယူနိုက်တက်အသင်းခေါင်းဆောင် မက်ဂွိုင်းယားက ပွဲအပြီးမှာတော့ ပိုကောင်းတဲ့အသင်းက ရှုံးခဲ့ရတယ်လို့ ပြောခဲ့ပါတယ်။ BT Sport ကနေတဆင့် မက်ဂွိုင်းယားက “ တကယ်ကိုခက်ခဲတဲ့ပွဲတစ်ပွဲပါ။ သူတို့က ကျွန်တော်တို့ အိပ်မက်တွေကို ဖျက် ဆီးခဲ့ပါတယ်။ ယူနိုက်တက်က အခွင့်အရေးတွေအများကြီး ဖန်တီးနိုင်ခဲ့ပေမယ့် ဆီဗီလာကတော့ အခွင့်အရေး သိပ်မရခဲ့ ဘူးလို့ ဆိုရမှာပါ။ ဖြတ်တင်ဘောတွေကချည်း နှစ်ဂိုးပေးခဲ့ရပါတယ်။ ဒီနှစ်မှာ ဆီမီးဖိုင်နယ်အဆင့်တွေကပဲ ထွက်ခဲ့ရတာ သုံးကြိမ် ရှိပါပြီ” လို့ ပြောခဲ့ပါတယ်။

ယူနိုက်တက်ဟာ အင်္ဂလန်ပြည်တွင်းဖလားပြိုင်ပွဲတွေဖြစ်တဲ့ အက်ဖ်အေဖလားပြိုင်ပွဲမှာလည်း ဆီမီးဖိုင်နယ်မှာ ချဲလ်ဆီးကို ရှုံးပြီး ထွက်ခဲ့ရသလို လိဂ်ဖလား ဆီမီးဖိုင်နယ်မှာလည်း မန်စီးတီးကို ရှုံးပြီး ပြိုင်ပွဲကထွက်ခဲ့ရတာဖြစ်ပါတယ်။ ယူနိုက်တက် ဟာ ဒီရာသီမှာ ဆုဖလားတစ်လုံးမှ အောင်မြင်မှုမရခဲ့ဘဲအဆုံးသတ်ခဲ့သလို နောက်ဆုံး ၃၁ နှစ်အတွင်းမှာလည်း ဆုဖလား အောင်မြင်မှုနဲ့ အချိန်အကြာဆုံးဝေးကွာနေခဲ့တာဖြစ်ပါတယ်။ ယူနိုက်တက်ဟာ နောက်ဆုံး ၃ ရာသီဆက်တိုက် ဆုဖလား အောင်မြင်မှု တစ်ခုမှ မရရှိခဲ့တာပဲ ဖြစ်ပါတယ်။

ဆီဗီလာကို ရှုံးခဲ့တဲ့ပွဲမှာ ယူနိုက်တက်အသင်းသားတွေဖြစ်တဲ့ ဖာနန်ဒက်စ်နဲ့ လင်ဒီလော့ဖ်တို့ အချင်းများမှုနဲ့ ပတ်သက်ပြီး တော့လည်း ဘောလုံးပွဲတစ်ပွဲမှာ ဖြစ်ပျက်နေကျအဖြစ်အအပျက်သာဖြစ်ကြောင်း ဖာနန်ဒက်စ်ကပြောခဲ့ပါတယ်။ ဆီဗီလာ အတွက် လုခ်ဒီဂျောင်က အနိုင်ဂိုးသွင်းယူပြီးနောက်မှာတော့ ဖာနန်ဒက်စ်နဲ့ လင်ဒီလော့ဖ်တို့ အချင်းများခဲ့တာပဲ ဖြစ်ပါတယ်။