ဂျာဂန်ကလော့ကို ဝေဖန်လိုက်တဲ့ ဝက်စ်ဘရွန်း ကွင်းလယ်လူ

UEFA Nations League ပွဲစဉ်တွေအပေါ် မေးခွန်းထုတ်ခဲ့တဲ့ လီဗာပူးနည်းပြ ဂျာဂန်ကလော့ကို ဝက်စ်ဘရွန်း ကွင်းလယ်လူ ဂျိမ်းစ်မက္ကလင်းက ဝေဖန်ခဲ့ပါတယ်။ ပြီးခဲ့တဲ့ အပတ်အတွင်း ဂျာဂန်ကလော့က UEFA Nations League ပြိုင်ပွဲကို အဓိပ္ပာယ်မရှိတဲ့ပြိုင်ပွဲလို့ မှတ်ချက်ပေးခဲ့ပါတယ်။ အဲဒီမှတ်ချက်နဲ့ပတ်သက်ပြီး အိုင်ယာလန် တောင်ပံကစားသမား မက္ကလင်းက အခုလို တုံ့ပြန်ခဲ့ပါတယ်။
” ကိုယ့်နိုင်ငံအတွက် ကိုယ်ကစားပေးဖို့ ကျွန်တော်တို့ ဒီကိုရောက်နေတာပါ။ ခြေစမ်းပွဲပဲဖြစ်ဖြစ်၊ UEFA Nations League ပွဲပဲဖြစ်ဖြစ်၊ ခြေစစ်ပွဲပဲဖြစ်ဖြစ် အရေးမကြီးပါဘူး။ ဒါက အဓိပ္ပာယ်ရှိပါတယ်။ ဘာပဲဖြစ်ဖြစ် ကျွန်တော့်အတွက်တော့ အဓိပ္ပာယ်အပြည့်ရှိပါတယ်။ အရိုးသားဆုံး ပြောရရင်တော့ ဂျာဂန်ကလော့ပြောတာ ကျွန်တော် လုံးဝဂရုမစိုက်ပါဘူး။ အိုင်ယာလန်နိုင်ငံကို ကိုယ်စားပြုဖို့ ကျွန်တော် ပြန်လာတာပါ။ ဒါက ကျွန်တော့်အတွက် အဓိပ္ပာယ်ရှိလွန်းပါတယ်”လို့ မက္ကလင်းက ပြောပါတယ်။

54 Shares